儲錢 - - > 長期糧尾

為了儲錢, 我可以… ….


實行真正的window shopping

護膚品轉為平價平實但又不失質素的品牌

限制自己碌卡的金額

面不改容幾百大洋食一個lunch轉為平價lunch set, 甚至一碗麵

多與麵包為伍

不必要的飯局可免則免

真係好想去的話, 由平日因為帶lunch回公司吃所慳既錢中扣除

食完飯唔好帶錢逛街

要買衫既時候, 由5件中只容許自己揀一件

真係好想睇先會買一本日本雜誌

由以前每個月都會買幾套dvd, 到現在兩個月都唔會買一套

時常提醒自己---我好窮, 唔好亂洗錢



為了避免因為儲錢過份抑壓自己, 我會… ….

由lunch所慳下來既錢買一枝好寫既水筆….呢個係個人興趣, 沒有3分鐘熱度, 縱使有好多支, 但每一枝都會用上一段時間….對! 因為我有文具辟!

飲可樂, 雖然我耐甜度很低

Window shopping, 唔買得都睇到飽, 視覺上滿載自己

每個星期日游水後買一個熱騰騰既羅漢齋飽比自己, 然後好滿足咁享受, 當然, 我係唔會游完水即刻食啦, 肥死咩!

係呀, 我相隔10年又重回泳池, 有多肥都當自己睇唔到, 其實又真係唔係好睇到架, 因為我有大近視嘛

不要少看lunch所慳下來既錢, 每星期300百大洋已經可以令我睇一齣戲, 游水, 瑜伽學費, 同朋友聚會食飯, 買下參考書, 當然, 以上既活動係要自行取捨啦~

儲錢難唔難? 難呀! 必要條件係你要有儲錢的目的, 持著目標進發, 不時提醒自己, 適當時候給自己少少既獎勵! 遠看達成之日, 期望收成!